«Қазгидромет»-тің алдын ала болжамына сәйкес, биыл көктемде Қазақстанның басым бөлігінде жауын-шашын мөлшері нормадан жоғары болады, деп хабарлайды QazMonitor. Осыған байланысты өңірлердегі су тасқыны қаупіне алдын ала баға берілді.
Премьер-министрдің орынбасары Қанат Бозымбаев Ақмола, Солтүстік Қазақстан, Қарағанды, Шығыс Қазақстан және Абай облыстарында су тасқынының алдын алу шараларын күшейту қажеттігін атап өтті. Оның айтуынша, көктемнің ерте әрі жауын-шашынды болуы, сондай-ақ өткен күзде қалыптасқан мұз қыртысы тасқын қаупін арттыруы мүмкін.
Вице-премьер әкімдіктерге өзен арналары мен су өткізу жүйелерін тазалау, қарды уақтылы шығару, қажет болған жағдайда жарылыс жұмыстарын алдын ала жүргізу жөнінде тапсырма берді. Тиісті министрліктерге ауа райын күнделікті бақылау, су қоймаларының жұмысын реттеу, ықтимал тасқын сценарийлерін модельдеу және төтенше жағдайларға дайындықты күшейту міндеті жүктелді.