Алматы қалалық балаларды оңалту орталығында ақыл-ой кемістігі бар балаларды тәрбиелеп отырған отбасыларға арналған «Smart Mental» саналы ойлау мектебі таныстырылды, деп хабарлайды QazMonitor Алматы қаласы әкімдігінің баспасөз қызметіне сілтеме жасай отырып.
Жоба ата-аналардың бала дамуына қатысты құзыретін арттыруға, мінез-құлқы мен қажеттіліктерін түсінуге және оңалту процесіне саналы түрде қатысуына бағытталған.
Бағдарлама аясында педагогтар, психологтер және логопед-дефектологтардың қатысуымен практикалық сабақтар ұйымдастырылады. Ата-аналар үй жағдайында қолдануға болатын дағдыларды меңгереді. Оқыту аутизм спектрінің бұзылыстары, Даун синдромы және өзге де интеллектуалдық ерекшеліктері бар балалармен жұмыс істеуге арналған.
Оқу бағдарламасын тәмамдаған қатысушыларға куәлік беріледі. Мамандардың айтуынша, бұл формат мамандар мен отбасы арасындағы серіктестікті нығайтады.
Айта кетейік, қалалық балаларды оңалту орталығына жолдаманы МӘМС аясында емханадан тегін алуға болады.