ҚР Ұлттық Банкі TÁŃIRLIK KÚNTIZBE және MERCURY коллекциялық монеталарын шығарып, олардың сатылымын бастады деп хабарлайды QazMonitor.
2026 жылғы 20 ақпаннан бастап Ұлттық Банкінің интернет-дүкені арқылы «Сиқырлы нышандар» сериясына жататын TÁŃIRLIK KÚNTIZBE күміс монетасы және «Күн жүйесінің планеталары» сериясынан MERCURY монетасы сатылымға шығады.
TÁŃIRLIK KÚNTIZBE монетасы 925 сынамалы күмістен жасалған, салмағы – 100 грамм, диаметрі – 50 мм, орындау сапасы – antique silver. Монетаның номиналы – 1000 теңге, тиражы – 500 дана.
MERCURY монетасы 925 сынамалы күмістен, алтынмен қапталған және тантал қосындысымен жасалған. Салмағы – 35 грамм, диаметрі – 38,61 мм, сапасы – proof, номиналы – 1000 теңге, тиражы – 1000 дана.
Екі коллекциялық монета да Қазақстанның теңге сарайында шығарылды.