Бүгін Парламент Мәжілісінде «Психологиялық көмек туралы» заң жобасы талқыланды, деп хабарлайды QazMonitor.
Талқылау барысында депутат Ирина Смирнова психологиялық қызмет көрсету нәтижесінде адам денсаулығына зиян келген жағдайда қандай жауапкершілік қарастырылғанын сұрады.
Заң жобасын таныстырған депутат Айна Мүсралімова қолданыстағы заңнама аясында мұндай жауапкершілік қазірдің өзінде барын айтты.
«Бірақ, егер денсаулыққа ауыр зиян келтіру фактісі анықталса, бұл ҚР Қылмыстық кодексіне сәйкес реттеледі. Баптар бар, біз оларды білеміз, келтірілген зиянның ауырлығына, дәрежесіне байланысты айыппұл санкциялары, сонымен қатар түзеу, қоғамдық жұмыстар өсіп отырады және, айталық, денсаулыққа қасақана ауыр зиян келтірген жағдайда бас бостандығынан айыруға дейін барады», деді ол.
Оның айтуынша, психологиялық заңнама талаптарын бұзғаны үшін қосымша әкімшілік жауапкершілікті қарастыру қажеттілігі бар.
«Қазіргі уақытта біз психологиялық көмек көрсету тәртібін бұзғаны үшін айыппұл санкцияларын қарастыратын түзетуді талқылау бойынша жұмыс жүргізіп жатырмыз. Айыппұл көлемі әлі талқылану үстінде — екінші оқылымға дейін пысықтаймыз деп ойлаймын», деді Айна Мүсралімова.