2023 және 2024 жылдары желтоқсан айы жылдық есепте 3-4% шамасында төмендеумен аяқталған болатын. Алайда қазіргі өсім қарқыны соңғы рет 2016 жылдың шілдесінде, яғни шамамен тоғыз жарым жыл бұрын тіркелген көрсеткіштен де жоғары.
Бірінші кредиттік бюроның дерегіне сәйкес, Алматыдағы бастапқы тұрғын үй нарығында да айтарлықтай өсім байқалды. 2025 жылдың желтоқсанында жаңа пәтерлер бағасы жылдық есепте 19,8%-ға қымбаттады. Бұл көрсеткіш қарашадағы деңгейден (+19,9%) сәл төмен болғанымен, жалпы алғанда жоғары нәтиже саналады. 2015 жылдан бері мұндай қарқын тек екі рет – 2022 жылдың көктемінде ғана тіркелген.
Осы үрдістер аясында жалға беру нарығындағы өсім салыстырмалы түрде төменірек болды. Желтоқсанда жалдау ақысы жылдық есепте 11,6%-ға артты. Мұндай деңгей соңғы рет 2023 жылдың тамызында байқалған.
Астанадағы жағдай қандай
Елордада ең жоғары жылдық өсім бастапқы тұрғын үй нарығында тіркелді – 17,4%. Бұл көрсеткіш қатарынан екі ай бойы сақталып отыр. Бұдан жоғары қарқын 2021 жылдың соңы мен 2023 жылдың басында байқалған еді.
Астанадағы қайталама нарықта пәтер бағасы жылдық есепте 10,9%-ға өсті, алайда бұл қарашадағы 12,5%-бен салыстырғанда баяулау. Ал жалға алу нарығында баға бір жылда 11,9%-ға қымбаттаған.
Желтоқсан мен қараша айларының салыстырмасы
Алматыда айлық өсім ең алдымен жалдау нарығында байқалды – бір айда 3,3%. Бұл 2023 жылдың тамызынан бергі ең жоғары айлық өсім. Бастапқы нарықта бағалар өзгермесе, қайталама сегментте 0,9% өсім тіркелді.
Астанада желтоқсан айында ең жоғары айлық өсім – 1,3% – қайталама тұрғын үй нарығында болды. Бастапқы нарықта баға өзгеріссіз қалды, ал жалдау ақысы бір айда 0,9%-ға артты.