Наурыз айында қабылданған түзетулерге сәйкес, кәмелетке толмаған қазақстандықтар табиғи парктерге тегін бара алады, деп жазады Казинформ.
«18 жасқа дейінгі балалар үшін ұлттық парктерге кіру тегін болды. Бұл шара ішкі туризм мен экологиялық демалыстың қолжетімділігін арттырады, сондай-ақ демалыс кезінде балалардың бос уақытын тиімдірек ұйымдастыруға мүмкіндік береді», — деді министр үкімет отырысында.
Сондай-ақ заңда сапарлау орталықтарын құру мен олардың жұмысына қатысты талаптар пайда болды. Еліміздегі туристік қызмет көрсету сапасын көтеру үшін гидтердің, экскурсоводтар мен туризм нұсқаушыларының қызметін жүзеге асыру ережелері белгіленеді.
Бұдан бөлек, мемлекеттік шекарадан өту уақытын қысқарту мақсатында туристер мінген автобустар үшін «жасыл дәліз» тетігі енгізіледі.