Қазақ мемлекеттік циркінің артистері Ташкентте өткен II Халықаралық жастар цирк өнері «Жібек жолы» фестивалінен алтын және күміс жүлдені иеленді, деп хабарлайды QazMonitor.
Алматылық цирк әртістері жоғары өнер көрсетіп, «Әуе сферасы» атты «жұптық сақина» жанрындағы нөмірі үшін Жасмин Алшынбаева мен Авелина Гузей алтын жүлдеге ие болды. Ал Әли Салаватов «Еденде доппен жонглерлік» нөмірімен күміс жүлде жеңіп алды.
Сонымен қатар фестиваль аясында Қазақ мемлекеттік циркі мен Өзбек мемлекеттік циркі арасында әріптестік туралы меморандумға қол қойылды. Құжат бірлескен жобаларды жүзеге асыруды, артистер алмасуды, жаңа қойылымдар әзірлеуді және халықаралық бағдарламаларға қатысуды көздейді.