Шымкент қаласындағы А.Асқаров атындағы мемлекеттік дендрологиялық саябақ аумағында заманауи кітапхана мен шахматшылар үйі ашылды, деп хабарлайды QazMonitor.
Жоба жеке инвесторлардың қолдауымен жүзеге асқан. Жаңа нысан саябақ инфрақұрылымын жаңартып, келушілер үшін демалысты мазмұнды өткізуге мүмкіндік береді.
Кітапхананың жалпы ауданы 280 шаршы метрді құрайды. Оның қоры 5 мыңнан астам әдеби, ғылыми және психологиялық бағыттағы кітаппен толықтырылған. Сонымен қатар келушілер үшін 180 шаршы метрлік ашық терраса қарастырылған.
Зияткерлік демалысқа басымдық беру мақсатында шахмат ойнауға арналған 50 шаршы метрлік арнайы аймақ жабдықталған.