23 сәуір - Қазақстанда Ұлттық кітап күні атап өтіледі. Осыған орай елдің барлық өңірінде кітап оқу мәдениетін арттыруға және зияткерлік әлеуетті дамытуға бағытталған кітап апталығы ұйымдастырылады, деп хабарлайды QazMonitor Мәдениет және ақпарат министрлігіне сілтеме жасап.
Апталық аясында 1500-ден астам іс-шара өткізу жоспарланған. Бағдарлама келесі күндерді қамтиды:
• 16 сәуір – «Артық білім кітапта…»
• 17 сәуір – «Сөз өнеріндегі өлкетану»
• 18-19 сәуір – «Weekend. Book. Vibes»
• 20 сәуір – «Кітапхана түні» акциясы
• 21 сәуір – «Кітап. Тарих. Шежіре»
• 22 сәуір – «Кітап – достық амбассадоры»
• 23 сәуір – Ұлттық кітап күні.
Айта кетейік, апталық аясында республика бойынша кітап фестивальдері, ашық есік күндері, жәрмеңкелер, кітап оқу марафондары, сондай-ақ баспалар мен кітап дүкендері бірлесіп түрлі іс-шаралар өткізеді.
Кітапханаларда келушілер үшін тақырыптық көрмелер, таныстырылымдар мен түрлі бағдарламалар ұйымдастырылып, кітапқа деген қызығушылықты арттыратын шаралар өткізу жоспарланып отыр.