Алматыда заманауи кітапханалар желісін кеңейту жұмыстары жалғасып жатыр. Қалалық мәдениет басқармасының мәліметінше, тамыз айының соңына дейін Құлагер, Жас Қанат және Ақсай шағынаудандарында жаңа кітапханалар ашылады, деп хабарлайды QazMonitor.
Жоба Алматыны дамыту бағдарламасы аясында жүзеге асырылуда. Жыл соңына дейін тағы үш кітапхана Жетісу, Наурызбай және Түрксіб аудандарында пайдалануға беріледі.
Қазіргі уақытта Алматы қаласының кітапхана жүйесіне 30 филиал кіреді. Олардың басым бөлігі жаңғыртудан өткен. Сонымен қатар қаладағы жеті кітапхана тәулік бойы жұмыс істейді.