Қасым-Жомарт Тоқаев Қаржылық мониторинг агенттігінде өткізген кеңесте алаяқтардың пирамидаларды түрлі қаржылық құралдар түрінде жасырып, соның салдарынан қазақстандықтар қырағылығын жоғалтып, өз жинақтарынан айырылып жатқандығына тоқталды, деп хабарлайды QazMonitor.
«Агенттік қаржы пирамидаларымен белсенді күрес жүргізіп жатыр. Тек былтырдың өзінде 140-тан астам қылмыстық іс тергеліп, жарты миллионнан аса адамның қаржысын тартпақшы болған 15 мың сайт пен 123 чат жабылды. Алайда қабылданып жатқан шаралар да, түсіндіру жұмыстары да жағдайды түбегейлі өзгерте алмай тұр. Әйтсе де оң үрдіс бар. Неге? Өйткені алаяқтар пирамиданы түрлі қаржы құралдары сияқты ұсынады. Ал азаматтар олардың арбауына түсіп, бар тапқан-таянғанынан айырылып қалып жатыр», – деді мемлекет басшысы.
Президенттің айтуынша, ол Қаржылық мониторинг агенттігінің қаржылық пирамидаларға қатысушыларға құқықтық жауапкершілік енгізу жөніндегі түзетулерін қолдауға дайын.
«Мәселені қарастырыңыздар. Осы тектес батыл шешімдер қабылдамасақ, ахуалдың оңала қоюы екіталай. «Баяғы жартас – сол жартас» күйінде қала береді», – деп атап өтті президент.