Құқық қорғау органдары қоғамдық қауіпсіздікті қамтамасыз ету мақсатында интернет алаяқтарының жаңа схемасына қатысты ескерту жасады, деп хабарлайды QazMonitor.
Шетелдік дереккөздердің мәліметі бойынша қылмыскерлер Telegram желісінде тегін электрондық кітаптар ретінде зиянды файлдар таратып, қолданушыларды алдайды.
Алаяқтар Telegram-да кітаптардың үлкен жинағы барын хабарлап, пайдаланушыларға шектеусіз қолжетімді екенін көрсетеді. Қажетті басылым сұралғаннан кейін олар бот арқылы нақты сервиске имитация жасап, кітаптың қысқаша сипаттамасын ұсынады. Алайда кітапты оқу немесе жүктеу орнына «арнайы қосымша» деп аталатын вирустық файл жіберіледі.
Файлды орнатқан кезде қылмыскерлер қолданушының құпиясөздері мен қаржылық қаражатын ұрлап, хабар алмасу және фотосуреттерге қол жеткізе алады. Сонымен қатар «тегін кітапхана» смартфонды қашықтан басқаруға және жеке деректердің жоғалуына әкеледі.
Полиция бейресми көздерден қосымшаларды орнату қауіпті екенін еске салып, тек ресми дүкендер мен сенімді сайттардан жүктеуді ұсынады.