Түркияда балық шаруашылығы саласы бойынша өткен халықаралық көрмеде қазақстандық жетекші компаниялар өнімдерімен таныстырды, деп хабарлайды QazMonitor. Солардың бірі – Шығыс Қазақстан облысындағы «Алтайская форель» ЖШС өз өнімдерін таныстырып, форельді өнеркәсіптік негізде өсіру тәжірибесін ортаға салды.
Компания 2017 жылдан бері серіктесі «Гранд Фиш» кәсіпорнымен бірлесіп Өскемен су қоймасында форель өсіру жобаларын сәтті жүзеге асырып келеді. Қазіргі таңда «Алтайская форель» еліміздегі аквашаруашылық саласындағы көшбасшылардың қатарында. Компания тұрақты өндірістік қызмет пен қаржылық-экономикалық көрсеткіштерге жеткен. Бұл олардың жоғары кәсібилік пен тиімді басқару деңгейіне көтерілгендігін айқындайды.
Айта кетейік, Түркияда балық шаруашылығы саласы бойынша – су биоресурстарын өсіруге арналған 11-ші ғылыми-практикалық семинар және аквакультура бойынша 1-ші халықаралық көрме – екі халықаралық іс-шара өткен болатын.