2026 жылғы 30 желтоқсаннан бастап Алматыда газға қосылған аудандара қатты және сұйық отынды пайдалануға тыйым енгізіледі, деп хабарлайды QazMonitor.
Алматы қаласының атмосфералық ауаны қорғау қағидаларының 52-тармағына сәйкес, газға қосылу мүмкіндігі бар жеке тұрғын үйлерде, моншаларда және көппәтерлі үйлерді жылытатын жекелеген қазандықтарда қатты және сұйық отынды қолдануға тыйым салынады.
Қалалық Экология және қоршаған орта басқармасының ақпаратына сәйкес, шектеу тек тұрмыстық нысандармен шектелмейді. Талаптар жылыту қазандықтарын пайдаланатын шаруашылық субъектілеріне де қатысты. Олардың шығарындылар көздері ластаушы заттарды тазарту қондырғыларымен міндетті түрде жабдықталуы тиіс. Сонымен қатар арнайы техника, бензин және дизель генераторлары экологиялық нормаларға сай болуы қажет.
Төтенше жағдай туындаған кезде жылу және энергиямен жабдықтаудың резервтік көздерін пайдалануға рұқсат беріледі.
Қазіргі таңда Алматыдағы жеке сектордың газдандыру деңгейі 99,6%-ды құрайды. Бұл қаладағы үй иелерінің басым бөлігінде табиғи газға қосылуға техникалық мүмкіндік бар екенін көрсетеді.