Қазақстан бойынша 32 аудандық және қалалық ХҚКО бөлімінде қызмет көрсету алдын ала жазылу форматына көшірілді, деп хабарлайды QazMonitor. Қабылдау тек алдын ала брондалған электронды талон арқылы жүзеге асырылады.
20 ақпаннан бастап пилоттық жобаны ауқымды енгізу кезеңінде жүйеге тағы 22 ХҚКО қосылды. Бұл әсіресе шалғай өңір тұрғындарына қызметті кезексіз, нақты уақыт бойынша алуға мүмкіндік береді.
Алдын ала жазылу «ЦОН» және «eGov Mobile» мобильді қосымшалары, электрондық үкімет порталы және талон беру киосктері арқылы жүзеге асырылады. Ал дайын құжаттарды беру, өзіне-өзі қызмет көрсету аймағы мен құжаттандыру қызметтері бұрынғы тәртіппен, жазылусыз көрсетіле береді.
Сонымен қатар Ұлы Отан соғысының ардагерлері, ерекше қажеттілігі бар азаматтар және шетелдік азаматтар үшін арнайы жұмыс орындары қарастырылған.
Алдын ала жазылу форматы келесі елді мекендердегі ХҚКО бөлімдерінде қолжетімді:
Абай облысы: Курчатов қаласы, Бородулиха ауданы.
Ақтөбе облысы: Мәртөк, Хромтау аудандары.
Атырау облысы: Мақат ауданы.
Алматы облысы: Шелек ауылы, Ұйғыр ауданы, Алатау қаласы.
Шығыс Қазақстан облысы: Шемонаиха ауданы, Риддер қаласы.
Жетісу облысы: Кербұлақ, Қаратал аудандары.
Батыс Қазақстан облысы: Дарьинск ауылы, Теректі ауданы.
Жамбыл облысы: Жуалы ауданы.
Қызылорда облысы: Сырдария, Қармақшы аудандары.
Маңғыстау облысы: Қарақия, Түпқараған аудандары.
Қарағанды облысы: Абай ауданы, Шахтинск қаласы, Шет ауданы, Балқаш қаласы.
Қостанай облысы: Тобыл қаласы.
Түркістан облысы: Бәйдібек, Созақ аудандары.
Солтүстік Қазақстан облысы: Ақжар, Айыртау, Есіл аудандары.
Ақмола облысы: Сандықтау ауданы.
Павлодар облысы: Баянауыл, Тереңкөл аудандары.