Қазақстан 2026 жылы халықаралық әуе қатынасын кезең-кезеңімен дамытуды жалғастырады, деп хабарлайды QazMonitor. Жаңа маршруттар Азия, Таяу Шығыс және Еуропа елдерін қамтиды. Ұшу географиясын кеңейту отандық және шетелдік тасымалдаушылар есебінен жүзеге асырылады.
Шымкенттен ашылатын жаңа рейстер:
Бішкек (Қырғызстан) – 29 наурыздан;
Новосібір (Ресей) – 19 мамырдан;
Санкт-Петербург (Ресей) – 1 маусымнан;
Тель-Авив (Израиль) – 9 маусымнан.
Халықаралық бағыттардың кеңеюі:
Алматы – Шанхай (Қытай) – 29 наурыздан;
Астана – Гуанчжоу (Қытай) – 2 маусымнан;
Алматы – Ларнака (Кипр) – 2 маусымнан 5 қыркүйекке дейін (маусымдық);
Астана – Ларнака (Кипр) – 4 маусымнан 6 қыркүйекке дейін (маусымдық);
Алматы – Даламан (Түркия) – көктемгі-жазғы кезеңде;
Алматы – Салала (Иордания) – 9 наурыздан;
Астана – Салала (Иордания) – 9 наурыздан;
Алматы – Самарқанд (Өзбекстан) – 17 наурыздан;
Алматы – Сиань (Қытай) – маусым айында (слоттарды келісу күтілуде);
Ақтау – Үрімші (Қытай) – маусым айында.
Сонымен қатар, 2026 жылы Алматы – Токио (Жапония) бағытын ашу мүмкіндігі қарастырылып жатыр. Бұдан бөлек, Алматы – Эр-Рияд (Сауд Арабиясы) бағытын іске қосу жоспарлануда.
Шетелдік тасымалдаушылар да бірқатар жаңа рейстерді қолға алады. Атап айтқанда, Алматы – Варшава рейсі 31 мамырдан басталады. Сонымен бірге Алматы – Даммам (Сауд Арабиясы) бағытын іске қосу және Алматы – Амман (Иордания) рейсін орындау мүмкіндігі қарастырылып жатыр.