ҚР Энергетика министрлігі мен «Шелл Қазақстан» компаниясы Ақтөбе облысындағы «Жаңатұрмыс» учаскесінде геологиялық барлау жұмыстарын жүргізу жөніндегі келісімшартқа қол қойды. Келісім аясында компания өңірге 100 млн теңге әлеуметтік көмек беріледі, деп хабарлайды QazMonitor.
Компания келісім бойынша белгіленген аумақта сейсмикалық барлау жұмыстарын жүргізіп, геологиялық деректерді жинап, техникалық бағалау жасайды. Барлық жұмыстар қолданыстағы заңнама талаптарына сәйкес және тиісті рұқсаттар алынғаннан кейін жүзеге асырылады.
«Жаңатұрмыс» учаскесінің аумағы 1 377 шаршы шақырымды құрайды, ол елдегі перспективалы мұнай-газ бассейндерінің бірінде орналасқан. Жоба аясында 3D сейсмикалық зерттеулер жүргізіліп, терең барлау ұңғымасын бұрғылау жоспарланып отыр.
Келісімшарттың мерзімі 2032 жылға дейін белгіленді. Осы кезеңде «Шелл» компаниясы учаске орналасқан өңірдің әлеуметтік-экономикалық дамуына кемінде 100 млн теңге бөледі.
Энергетика министрлігінің мәліметінше, қазіргі уақытта Қазақстанда жер қойнауын пайдалану саласында көмірсутектерді барлау және өндіру бойынша қолданыста 321 келісімшарт бар.