Ұлттық статистика бюросының мәліметінше, Қазақстандағы әйелдер саны 10 488 074 адамды құрайды. Бұл туралы Kapital.kz іскерлік ақпарат орталығы хабарлады.
Олардың жас топтары бойынша үлесі келесідей: 0-15 жас – 29,1%; 16-60 жас – 55,5%; 61 жас және одан жоғары – 15,4%.
Өңірлер бойынша қазақстандық әйелдердің ең көп саны: Алматы – 1,2 млн; Түркістан облысы – 1 млн; Астана – 803,5 мың; Алматы облысы – 778,5 мың.
Қазақстан азаматшаларының орташа жасы – 34,1 жас. Әйел жынысты өкілдердің күтілетін өмір сүру ұзақтығы – 79,4 жас.
Жұмыспен қамтылған халық арасындағы әйелдердің үлесі – 48% (4,4 млн). Жалдамалы жұмыскерлер арасында – 50%; өз бетінше жұмыспен қамтылғандар арасында – 45%.
Жұмыспен қамтылған әйелдердің жалпы санының салалар бойынша үлесі: білім беру – 20%; сауда – 19% және денсаулық сақтау саласында – 10%.
Жеке кәсіпкерлер арасындағы үлес – 50,8%. Жұмыспен қамтылған әйелдердің ең көп бөлігі 35-44 жас аралығында – 1,3 млн.
Бұған дейін бір жыл ішінде Қазақстан халқының саны 212,5 мыңнан астам адамға өскені хабарланған болатын. Ең көп өсім Астанада тіркелді – бір жылда елордада халық саны 109 530 адамға, Алматыда – 55 869 адамға, Шымкентте – 37 484 адамға, Алматы облысында – 36 207 адамға, Маңғыстау облысында – 14 499 адамға көбейді.