Кения Республикасының президенті Уильям Самоэй Руто мемлекеттік сапармен Астанаға келді, деп хабарлайды QazMonitor ҚР Сыртқы істер министрлігінің баспасөз қызметіне сілтеме жасап,
Кения басшысын әуежайда Қазақстан Республикасының Сыртқы істер министрі Ермек Көшербаев қарсы алды.
Ертең жоғары деңгейдегі келіссөздер барысында Қазақстан мен Кения арасындағы сауда-экономикалық және мәдени-гуманитарлық ынтымақтастықты дамыту перспективалары талқыланады.
Сонымен қатар сапар аясында бірқатар екіжақты құжатқа қол қою жоспарланып отыр.