Алматыда 23 мамырдан бастап Уәлиханов көшесінің бойымен Қабанбай батыр көшесінен Қазыбек би көшесіне дейінгі учаскеде солтүстік бағытта, сондай-ақ Жуков (оңтүстік бағытта) және Манаев (солтүстік бағытта) көшелерінде Затаевич көшесінен Ахмедьяров көшесіне дейінгі учаскеде біржақты қозғалыс енгізіледі. Бұл туралы қаланың Жол қозғалысын ұйымдастыру және жолаушылар көлігі басқармасынан хабарлады.
Шешім Алматы қаласы полиция департаментінің әкімшілік полиция басқармасымен бірлесіп іске асырылуда және көлік жүктемесін азайтуға, көше-жол желісінің өткізу қабілетін арттыруға және жолдардағы жанжалды жағдайлардың санын азайтуға бағытталған.
Өзгерістер қазіргі көлік жағдайын талдауды, сондай-ақ осы аудан тұрғындарының өтініштерін ескере отырып қабылданды. Біржақты қозғалыс пилоттық режимде енгізіліп жатқаны атап өтіледі. Тиімділікті мониторингілеу қорытындысы бойынша алдағы шешімдер қабылданатын болады.