Жоба аясында платформаға іргелес аумақ толық абаттандырылды. Атап айтқанда, жолаушылар жүретін жолдар мен кіреберістерге тас төсем төселіп, заманауи аялдама павильондары, орындықтар, қоқыс жәшіктері, шағын сәулет нысандары және жарықтандыру жүйелері орнатылды, деп хабарлайды QazMonitor.
Қазіргі уақытта Теміртау станциясынан Құлайғыр және Ақадыр бағыттарына қатынайтын төрт қала маңы пойызы жолаушыларға қызмет көрсетеді.
Жаңғырту жұмыстары жолаушылар үшін қолайлы әрі қауіпсіз жағдай жасауға, пойызға отыру мен түсуді жеңілдетуге, сондай-ақ станцияның сәулеттік келбетін жаңартуға мүмкіндік берді.
Жоба Мемлекет басшысының теміржол инфрақұрылымын жаңғырту жөніндегі тапсырмаларын іске асыру аясында жүзеге асырылды.