Өңірде катерлер шығаратын зауыт салынып, су көліктерін басқаратын пилоттарды оқытатын академия ашылмақ. Сондай-ақ Формула-1 жарысында ел намысын қорғайтын ұлттық команда жасақталады. Бұл туралы Алматы облысы әкімінің баспасөз қызметі хабарлады.
H2O Racing компаниясы әлем бойынша су үстіндегі ең ауқымды жарысты Қонаевта ұйымдастыруды ұйғарған. Компания өкілі Раймондо ди Сан Джермано себебі қала су туризмімен кең танымал деп атап өтті. Ыстықкөлде өткен жарыста 2027 жылғы әлем чемпионатының Қазақстанда өтетінін ресми түрде жарияланған.
«Алдағы уақытта біз пилоттарды даярлайтын академия ашып, су көліктерін басқаратын мамандарды оқытамыз. Сондай-ақ Қазақстанда және жалпы Орталық Азияда осы спорт түрінің федерациясын дамыту бағытында жұмыс істейміз. Бұл жобалардың барлығы Қонаев қаласында жүзеге асады. Бұдан бөлек, Қазақстанда спорт катерлерін шығаратын зауыт ашуды да жоспарлап отырмыз. Ыстықкөлде болғанымызда Қырғызстанның өз командасы жоқ екенін көрдік. Алдағы 12 ай ішінде Қазақстанның толыққанды ұлттық құрамасын жасақтауға мүмкіндік бар», – деді.
Айта кетейік, «Formula-1 H2O» биыл Қырғызстандағы Ыстықкөл жағалауында өтті. Жарысты тамашалауға 6 елдің президенті арнайы барып қатысқан. Қапшағай көлінде өтетін жарысты әлем бойынша бір миллиардқа жуық адам тікелей трансляция арқылы тамашалайды деп жоспарланып отыр.