Қазақстанның «FlyArystan» әуе компаниясы 23 қыркүйекте Алматы – Чунцин бағыты бойынша тұрақты рейстерді іске қосты. Ұшулар аптасына екі рет – сәрсенбі және сенбі күндері «Airbus A320neo» ұшақтарымен орындалады, деп хабарлайды QazMonitor.
Қазақстан Республикасы Көлік министрлігі ұшу географиясын кеңейту және халықаралық рейстер санын арттыру бағытында тұрақты жұмыс жүргізіп келеді.
Қазақстан мен Қытай арасындағы әуе қатынасының ашылуы екі ел арасындағы сауда-экономикалық, іскерлік, инвестициялық, туристік және мәдени байланыстарды одан әрі дамытуға мүмкіндік береді.