«Көкшетау минералды сулары» АҚ-ның өндірістік қуаттарын қайта жаңғырту және кеңейту бойынша кең көлемді жоба қолға алынды.
Қосымша цехтың салынуы өндіріс ауқымын бір жарым есе арттыруға мүмкіндік береді. Сонымен қатар жобаға купаждау цехы мен қойманы қайта құру жұмыстары кіреді.
Алкоголь өнімдері бойынша қуаттылықты жылына 3 000 млн дал деңгейіне жеткізу, сондай-ақ сыйымдылық паркінің көлемін 90 мың далға дейін ұлғайту жоспарлануда.
Қазіргі уақытта құрылыс-монтаж жұмыстары жүргізіліп жатыр. Жобаны іске асыру өңірдің дамуына елеулі үлес қосып, жаңа жұмыс орындарын ашады.
1991 жылы негізі қаланған зауыт – өңірдегі жетекші кәсіпорындардың бірі. Компания минералды су, газдалған және газдалмаған сусындар, сондай-ақ алкоголь өнімдерін өндіреді.
Дереккөз: Ақмола облысының әкімдігі