Buketov University Үздіксіз білім беру институтының директоры Ғалия Саржанова білім беру саласын цифрландыру және психологиялық тұрғыдан қауіпсіз мектеп ортасын қалыптастыру бағытында зерттеулер жүргізіп жатыр, деп хабарлайды QazMonitor.
Оның зерттеуі білім беруді цифрландыру, педагогтердің цифрлық құзыреттерін дамыту және білім беру ұйымдарында психологиялық қауіпсіз орта қалыптастыру мәселелерін қамтиды. Оның жетекшілігімен Шихэцзы университеті және Эдинбург университеті ғалымдарымен бірлескен халықаралық жобалар жүзеге асырылып жатыр.
Зерттеулердің негізгі бағыттарының бірі – психологиялық тұрғыдан қауіпсіз білім беру ортасының модельдерін әзірлеу. Жоба аясында оқушыларға, ата-аналарға және педагогтерге арналған психологиялық әл-ауқат шкалалары дайындалған. Сонымен бірге мазасыздық бұзылыстары бар адамдарға көмек көрсетуге арналған «Soulhaven» геймификацияланған платформасы іске қосылды.
Бұдан бөлек, «Smart-Lab» цифрлық құзыреттер орталығы мен «Hub for Wellbeing and Professional Development» орталығы ашылған. Осы жобалар аясында педагогтердің цифрлық дағдыларын бағалауға арналған заманауи құралдар, соның ішінде «Digital_teacher.kz» платформасы енгізілді.
Ғалым әзірлеген жобалардың нәтижелері бүгінде Қарағанды қаласы мен Қарағанды облысындағы мектептерде қолданылып келеді.