Қазақстанда event-туризм (іс-шаралық туризм) саласы инвестициялық тартымдылықтың жаңа драйверіне айнаып келеді. Мамырда Астана мен Алматыда әлемдік жұлдыздардың қатысуымен ауқымды музыкалық фестиваль өтіп, оған елімізге көршілес мемлекеттерден мыңдаған туристерді тартады деп күтілуде, деп хабарлайды QazMonitor.
«Kazakh Tourism» компаниясының мәліметінше, екі қалада өтетін концертте Flo Rida, Nicole Scherzinger, Busta Rhymes, Timbaland және Keri Hilson сияқты әлемдік деңгейдегі жұлдыздар өнер көрсетеді.
Компанияның басқарма төрағасының орынбасары Даниел Сержанұлының айтуынша, «Kazakh Tourism» туроператорлардың қатысуымен пакеттелген туристік ұсыныстарды әзірлеу үшін штаб құрады.
«Бұл Қазақстан өңірлерінен және шетелдік қонақтарға концертті экскурсиялармен және туристік локациялармен танысумен ұштастыруға мүмкіндік береді. Мұндай тәжірибе өз тиімділігін дәлелдеп, өткен жылы сәтті түрде қолданылды», Даниел Сержанұлы.
Әр қаладағы көрермендердің жалпы саны шамамен 30 мың адам болады деп жоспарланып отыр. Бүгінде Үндістан, Өзбекстан, Қырғызстан, Қытай және РФ тұрғындары бұл концерттерге билет сатып алған.
«Solana City жобасы бір аумақта халықаралық деңгейдегі іс-шараларды біріктіреді. Фестивальдер мен концерттерден тыс уақытта туристік қала ел тұрғындары мен қонақтары үшін жыл бойы қызмет етеді. Жоба аясында этноауылдар, кемпингтер, глэмпингтер, гастрономиялық кеңістіктер, қолөнер аймақтары және арт-инсталляцияларды орнату жоспарлануда. Жобаны аясында 1000-ға дейін жаңа жұмыс орны құрылады», деді «Solana» компаниясының басшысы Жанар Байғозина.