Алматы облысында орналасқан Oi-Qaragai тау курортын дамыту жобасы аясында тау шаңғы трассаларын жабдықтау бойынша аустриялық мамандандырылған компания бас мердігер ретінде анықталды, деп хабарлайды QazMonitor.
Жоба 2025–2028 жылдары жүзеге асырылады. Оның шеңберінде жыл бойы жұмыс істейтін заманауи тау курорты салынып, тау шаңғысы, туристік және сервистік инфрақұрылым дамытылады.
Қазіргі таңда аспалы жол құрылысы аяқталу кезеңінде, Ақтас платосына апаратын автокөлік жолы салынды. Сонымен қатар тау шаңғысы бекеттері мен өзге инфрақұрылым нысандарында құрылыс-монтаж жұмыстары жүргізіліп жатыр.
2024 жылы курортты жылумен қамтамасыз ету үшін ұзындығы 5,9 шақырым болатын сыртқы газ құбырының құрылысы аяқталды. Нысан штаттық режимде жұмыс істеп, жылу және ыстық сумен үздіксіз қамтамасыз етілуде.
Жобаны іске асыруды үйлестіру мақсатында инвестор, Алматы облысының әкімдігі және ҚР Туризм және спорт министрлігі арасында жол картасы бекітілді.