Күнтізбе ішкі туризмді дамытуға, туристік бағыттарды кеңейтуге және өңірлік брендтерді ілгерілетуге бағытталған, деп хабарлайды QazMonitor.
Онда мәдени, этномәдени, спорттық, гастрономиялық және экологиялық іс-шаралар топтастырылып, туристерге маусымдық ерекшеліктер мен жеке қызығушылықтарына сай маршрут құруға мүмкіндік береді.
Іс-шаралардың басым бөлігі дәстүрлі түрде жыл сайын өткізіліп, өңірлерге тұрақты туристік қызығушылық қалыптастырады. Сонымен қатар жобалардың едәуір бөлігі бизнес пен демеушілердің қолдауымен жүзеге асады.
Туристерге ыңғайлы болу үшін интерактивті веб-нұсқа әзірленіп, ол qaztourism.kz сайтында қолжетімді. Платформа арқылы іс-шараларды өткізу мерзімі, өңірі, тақырыптық бағыты және ауқымы бойынша оңай таңдауға болады.