Қызылордада Президент саябағы аумағында жаңа драма театрдың іргетасы қаланып, капсуласын салу рәсімі өтті, деп хабарлайды QazMonitor.
Жоба аясында салынатын жаңа театр ұлттық өнерді дамытуға, сахна мәдениетін өркендетуге және жас буынның шығармашылық әлеуетін арттыруға бағытталған. Театр өңірдің мәдени өмірінде маңызды орын алып, көрерменге сапалы қойылымдар ұсынуға мүмкіндік бермек.
Айта кету керек, Қызылорда – қазақ театр өнерінің қалыптасу тарихында ерекше орын алатын қала. Бір ғасыр бұрын ұлттық театрдың алғашқы қойылымдары осы өңірде сахналанған. Сондықтан жаңа театрдың дәл осы жерде салынуы тарихи сабақтастықты жалғастырып, рухани маңызы жоғары оқиға ретінде бағалануда.