Астанада 1 маусым – Халықаралық балаларды қорғау күніне орай қалалық көлік кеңістігі бүгін ерекше мерекелік сахнаға айналды. Бұл туралы елорда әкімдігінің ресми сайты.
III Халықаралық клоундар фестивалі аясында өнерпаздар «Нұрлы жол» станциясынан «Бәйтерекке» дейін LRT пойызымен сапарлап, жолаушыларға тосыннан көтеріңкі көңіл-күй сыйлады.
Қоғамдық көліктің әдеттегі маршруты бұл жолы күлкі мен өнер тоғысқан шағын спектакльге айналып, балалар мен қала тұрғындары үшін нағыз мерекелік әсер қалыптастырды.
Фестивальге өнер әлемінде кеңінен танылған Мұтырғановтар отбасы, Қазақстанның әр өңірінен келген өнерпаздар, сондай-ақ Дания, Италия, Франция, Аргентина және Ресей елдерінен келетін шығармашылық ұжымдар қатысады.