Ауыл шаруашылығы министрлігінің, өңірлер 25 млн тонна шөп, 1,9 млн тонна сенаж жинаған. Сондай-ақ қоймаға 5,4 млн тонна құрамажем, 2,1 млн тонна силос пен 4,9 млн тонна сабан жиналды. Жалпы республика бойынша барлық түрлерін қоса есептегенде 39,8 млн тонна мал азығы әзірленді.
«Мал азығы қазіргі деңгейде еліміздің мал шаруашылығы секторының қажеттілігін толық қамтамасыз етеді. Яғни, 2025–2026 жылдарға қысқы маусымда малды қыстатуды оңтайлы өткеруге, жемшөп тапшылығы тәуекелдерін барынша төмендетуге мүмкіндік береді», деді министрлікте.
Ведомство бұл азық қыста малдарды ұстауға жеткілікті әрі сенімді қор қалыптастырады. Бірқатар облыстар науқанды жоғары деңгейде өткізіп, жоспарды айтарлықтай артығымен орындады. Атап айтқанда Солтүстік Қазақстан (147,1%), Шығыс Қазақстан (116,0%), Алматы (105,6%), Жетісу (104,5%), Ақтөбе (103,2%), Қызылорда (102,3%), Ұлытау (102,4%) облыстары бар.
Сонымен қатар сенаж дайындау бойынша Солтүстік Қазақстан (163,5%), Жамбыл (114,6%), Қостанай (108,0%), Алматы (107,5%), Павлодар (105,0%), Түркістан (106,2%), Жетісу (105,1%) облыстары жоғары көрсеткішке қол жеткізді.
Дереккөз: АШМ