Экология министрлігінің аумақтық департаменттері биылғы 10 айда 899 тексеру жүргізіп, 2540 бұзушылықты анықтап, 1411 бұйрық шығарды.
Экологиялық заңнаманы бұзғандарға 2285 әкімшілік айыппұл салынды, оның ішінде 2056-сы төленді, жалпы сомасы 5,47 миллиард теңгені құрайды.
Қызметтерді тоқтату туралы 10 іс сотқа беріліп, оның 6 сот шешімімен бекітілді.
«Қоршаған ортаны қорғау инспекторлары жүйелі мониторинг және талдау жұмыстарын да жүргізеді. Есепті кезеңде 695 мониторингтік сапар өткізілді, 9274 сынама алынды және 41 000-нан астам зертханалық сынақтар жүргізілді», деді министрлікте.
Сонымен қатар, қоршаған ортаны қорғау заңнамасының бұзылуының алдын алу және анықтау үшін 304 тексеру жүргізілген.