ҚР көлік министрі Нұрлан Сауранбаев Үкімет отырысында жүк тасымалдау саласын цифрландыру бойынша жүргізіліп жатқан жұмыстар туралы баяндады.
Ол Мемлекет басшысының тапсырмасына сәйкес Smart Cargo платформасы осы жылдың қазан айында іске қосылғанын атап өтті. Платформа мемлекеттік органдардың сервистерін біріктіреді. Қазіргі уақытта мемлекеттік органдардың 30 сервисі интеграцияланған, ал платформаны дамыту шеңберінде мемлекеттік және жеке секторлардың тағы 47 қосымша сервисін біріктіру жоспарлануда.
«Бүгінде жүктердің орналасқан жерін бақылауға мүмкіндік бар. Жасанды интеллект көмегіндегі көмекшілер пайда болды. Сонымен қатар қосымша мемлекеттік қызметтерді алу мүмкіндігі қарастырылған. Шекарадан өту үшін транзиттік декларацияны автоматты түрде шығару қолжетімді болатын «жасыл дәлізді» енгізу бойынша жұмыс жалғасуда», — деді Нұрлан Сауранбаев.
Министр атап өткендей, салаларды цифрлық трансформациялау нәтижесінде автожолдардың өткізу қабілеті 20%-ға артады. Автокөлікпен өткізу пункттерінде рәсімдеу уақыты шамамен 10 минутты құрайды. Жасанды интеллект технологияларын енгізу пойыздарды құру және жоспарлау уақытын 6 есе қысқартып, әуежайларда жүктерді өңдеуді 1 сағатқа дейін қысқартады.
Дереккөз: ҚР Көлік министрлігі