Биылғы 11 айда Су ресурстары және ирригация министрлігі 800-ден астам су саласы мамандары үшін біліктілікті арттыру курстарын ұйымдастырды.
Қазақстанда 125 сала маманы ҚХР-да PowerChina корпорациясының қолдауымен оқудан өтті. Су ресурстары және ирригация министрлігі мен қытай тарапы келесі жылы да кадрларды қайта даярлау жөніндегі бірлескен бағдарламаны жалғастыруға келісім жасаған.
«Су шаруашылығы мамандарының мәртебесін арттыру бойынша ауқымды жұмыстар атқарылды. Атап айтқанда, олардың жалақысы энергетика саласы мамандарының деңгейіне дейін көтерілді, біліктілікті арттырудың жаңа курстары өткізілді, маусымдық жұмысшылар тұрақты жұмыспен қамтылды және жалпы еңбек жағдайлары жақсартылды. Келесі жылы да бұл бағыттағы жұмыстар жалғасын табады», – деді Су ресурстары және ирригация вице-министрі Талғат Момышев.
Біліктіліктерін арттырған 634 маман – жұмысшы мамандықтарының өкілдері. Еске салсақ, Қазақстанда 2030 жылға дейінгі су ресурстарын басқару жүйесін дамыту тұжырымдамасы қабылданған болатын. Құжаттағы жоспарға сәйкес, биыл 400 маман біліктілігін арттыруға тиіс болатын.