Астана қаласының әкімі Жеңіс Қасымбек Instagram парақшасында елордада жүзеге асырылып жатқан инвестициялық жобалар туралы мәлімдеді.
Әкімнің айтуынша, қалада жеке инвестиция тарту жұмысы жалғасуда. Инвестициялар әлеуметтік нысандармен қатар өңдеу өнеркәсібі, көлік, логистика және басқа да салаларды қамтып отыр. 2025 жылы Астанадағы инвестициялық жобалар саны 55-ке жетіп, олардың жалпы құны 300 млрд теңгені құрады. Бұл шамамен 3,6 мың жаңа жұмыс орнының ашылуына мүмкіндік береді.
«Қаланың дамуына жеке инвестиция тарту жұмысы жүріп жатыр. Олар – әлеуметтік нысандармен қатар өңдеу өнеркәсібі, көлік, логистика және т.б. Биыл инвестициялық жобалардың саны 55-ке жетті, жалпы инвестиция көлемі – 300 млрд теңге. Бұл жобалар 3,6 мыңға жуық жұмыс орнын ашуға мүмкіндік береді», – деп көрсетті Жеңіс Қасымбек өз жазбасында.
Инвестициялық штабтың кезекті отырысында инвесторлардың бірқатар ұсынысын қарадық. Мәселен, олар – акватермальды кешен, көтерме-логистикалық орталық, ЖЭО-ның күлін қайта өңдейтін қондырғы салу. Аталған жобалардың инвестициялық көлемі – 31,5 млрд теңге. Нәтижесінде 400-ден астам жұмыс орны ашылады.
Сол сияқты көпфункционалды дене шынықтыру-сауықтыру кешенін салу жобасын қарадық, модульдік құрылымдар, қан алуға арналған вакуумдық жүйелер (вакутейнерлер), мыс кабель, шыныпластиктен жасалған жең және полимер-композиттік жабындар өндіретін зауыттар ашу мүмкіндігін талқыладық.
Өңірлік инвестициялық штабтың отырысын тұрақты түрде өткізіп, инвесторларға жан-жақты қолдау көрсетіп келеміз», – деп жазды қала әкімі.
Әкімдік оның айтуынша, инвестициялық штаб жұмысы алдағы уақытта да жалғасып, елордада жаңа өндіріс орындары мен ірі жобаларды іске асыруға қолайлы жағдай жасалатынын атап өтті.
Дереккөз: Астана қаласының әкімдігі