Қазақстан Республикасының Денсаулық сақтау министрі Ақмарал Әлназарова мен Жапонияның Қазақстандағы Төтенше және Өкілетті Елшісі Иидзима Ясусама Абай өңірінде медициналық инфрақұрылымды дамытуға 1,087 млрд иен (шамамен 7 млн АҚШ доллары) көлемінде жапон грантын беру жөніндегі үкіметаралық келісімді іс жүзінде жүзеге асыру мақсатында құжатқа қол қойды.
Гранттық қолдау «Семей медицина университеті» Ұлттық ғылыми орталығының университеттік госпиталін заманауи жоғары технологиялық медициналық жабдықпен қамтамасыз етуге бағытталады.
Жобада госпитальді заманауи диагностикалық және емдік жүйелермен, оның ішінде магниттік-резонанстық томограф (МРТ), компьютерлік томограф (КТ), эндоскопиялық, реанимациялық және басқа да жоғары технологиялық жабдықтармен жабдықтау қарастырылған.
Бұл өңірлік деңгейде мамандандырылған және жоғары технологиялық медициналық көмекті көрсету мүмкіндіктерін айтарлықтай кеңейтеді, соның ішінде ядролық сынақтардан зардап шеккен пациенттерге, бұл ерекше әлеуметтік және гуманитарлық мәнге ие.
Грантты жүзеге асыру Қазақстан мен Жапония арасындағы денсаулық сақтау саласындағы тұрақты ынтымақтастықтың бір бөлігі болып табылады.
Сонымен қатар, Жапония «Шөптің тамыры» адам қауіпсіздігін қамтамасыз етуге арналған қайтарымсыз көмек бағдарламасы шеңберінде Қазақстанға қолдау көрсетіп, денсаулық сақтау жүйесін нығайтуға, негізгі медициналық көмектің қолжетімділігін арттыруға және өңірлік теңсіздіктерді азайтуға бағытталған.