Қызмет іске қосылған алғашқы екі күнде 113 мыңнан астам өтініш берілсе, 15 қаңтарға қарай олардың жалпы саны 226 мыңнан асты, деп хабарлайды QazMonitor.
Сонымен қатар кейбір жағдайларда пайдаланушыларға төлем жасалғаннан кейін таңдалған нөмір әлі қолжетімді болып көрінуі мүмкін. Бұл көбіне өтініштің соңғы кезеңінде рәсімдеудің толық аяқталмауымен байланысты.
Мұндай жағдайда «Бұрын төленген» опциясын таңдап, банк атауы мен төлем күнін көрсету арқылы өтінішті қайта жіберу қажет. Процедура толық аяқталған соң мемлекеттік нөмір пайдаланушыға бекітіліп, басқа өтініш берушілер үшін қолжетімсіз болады.
Айта кетейік, мемлекеттік тіркеу нөмірлік белгісіне (МТНБ) онлайн тапсырыс беру қызметі биылғы жылдың 8 қаңтарында eGov.kz порталы мен eGov Mobile мобильді қосымшасында пилоттық режимде іске қосылған болатын.