Жарыстар Италиядағы Валь-ди-Фьемме алқабында орналасқан Тезеро шаңғы стадионында өтеді, деп хабарлайды QazMonitor. Биылғы Олимпиаданың ерекшелігі – тарихта алғаш рет ерлер мен әйелдер бірдей қашықтықтарда жарысады.
Қазақстан құрамасынан шаңғы жарысына 7 спортшы қатысады. Олар: Надежда Степашкина, Ксения Шалыгина, Анна Мельник, Дарья Ряжко, Әмірғали Мұратбеков, Виталий Пухкало және Наиль Башмаков.
Қазіргі таңда Қазақстан бірқатар қысқы спорт түрлері бойынша Олимпиада лицензияларын иеленіп отыр. Атап айтқанда, биатлонда Владислав Киреев, Әсет Дюсенов, Милана Генева және Айша Рақышева ел намысын қорғайды. Конькимен жүгіру спортынан Евгений Кошкин, Кристина Силаева, Елизавета Голубева, Надежда Морозова және Арина Ильященко жолдама алған.
Сондай-ақ шорт-тректен Абзал Әжғалиев, Денис Никиша, Ольга Тихонова және Яна Хан, мәнерлеп сырғанаудан Михаил Шайдоров пен Софья Самоделкина, фристайл-акробатикадан Дінмұхаммед Райымқұлов, Шерзод Хаширбаев, Роман Иванов, Асылхан Асан және Аяна Жолдас Олимпиадаға қатысады. Тау шаңғысы спортынан Александра Скороходова мен Ростислав Хохлов лицензия иеленген.
