Қазақстан құрамасының теннисшісі Заңғар Нұрланұлы Мельбурн қаласында өтіп жатқан жасөспірімдер арасындағы Australian Open-2026 турнирінің жартылай финалына жолдама алды.
Әлемдік жасөспірімдер рейтингінде 12-орында тұрған қазақстандық спортшы ширек финалда Гонконг өкілі Кай Томпсонды (ITF Juniors – 48) үш сетке созылған кездесуде 3:6, 7:6 (7:4), 6:4 есебімен жеңді.
Осылайша, Заңғар Нұрланұлы Қазақстан теннисі тарихында жасөспірімдер арасындағы Australian Open турнирінің жекелей сындағы алғашқы жартылай финалисі атанды.