Көрмеде Алматы музейі мен Қазақ ұлттық драма театры музейінің қорынан алынған театр тарихына қатысты архивтік құжаттар, фотосуреттер және 1940 жылдардан бүгінгі күнге дейінгі спектакль афишалары ұсынылған, деп хабарлайды QazMonitor Алматы әкімдігінің баспасөз қызметіне сілтеме жасап,
Экспозицияда қазақ театр өнерінің көрнекті өкілдері киген сахналық костюмдерге де ерекше орын берілген. Атап айтқанда, Асанәлі Молдабековтің «Ваня аға» спектакліндегі, Шолпан Жандарбекованың «Ақан сері – Ақтоқты» қойылымындағы, Зәмзәгүл Шәріпованың «Отелло» спектакліндегі Дездемона бейнесіндегі, сондай-ақ Тұңғышбай Жаманқұловтың Абылай хан рөліндегі сахналық киімдері көрермен назарына ұсынылды.
Көрменің мақсаты – ұлттық театрдың ғасырлық шығармашылық жолын таныстыру, қазақ театр өнерінің даму кезеңдерін көрсету және жас ұрпақтың рухани-мәдени құндылықтарға деген қызығушылығын арттыру.
Көрмені ақпан айының соңына дейін тамашалауға болады.
