Абу-Дабиде «International Kids Fashion Week» балалар сәні апталығы аясында Қазақстанның этникалық топтамасы жоғары бағаланып, халықаралық аудитория тарапынан зор қызығушылыққа ие болды, деп хабарлайды QazMonitor.
Шара шейх Фахр бинт Дияб Әл Наһаянның қолдауымен ұйымдастырылып, әлемнің бірнеше елінен дизайнерлерді біріктірді.
Қазақстандық этникалық топтама ұлттық дәстүрлерге, ою-өрнектерге және мәдени мұраға негізделгендігімен ерекшеленіп, халықаралық аудитория тарапынан зор қызығушылық тудырды. Көрсетілім қорытындысы бойынша отандық дизайнер Гаухар Канатбай «Үздік балалар дизайнері» номинациясында марапатталды.
Сонымен қатар, шара ұйымдастырушылары қазақ тарапының қатысуын қамтамасыз еткені үшін Қазақстанның Абу-Дабидегі Елшілігіне арнайы марапат табыстады.
