Bloomberg агенттігінің инсайдері Марк Гурманның хабарлауынша, Apple ақылды көзілдіріктерді әзірлеуде айтарлықтай прогреске қол жеткізген, деп хабарлайды QazMonitor.
Компания өндірісті желтоқсан айында бастайды, ал 2027 жылы өнім көпшілікке таныстырылады. Құрылғы фото мен видео түсіруге қабілетті жоғары ажыратымдылықтағы камерамен жабдықталады. Көзілдірікте экран болмайды.
Интерфейсі динамиктер, микрофондар мен камераларға негізделеді. Бұл қолданушыларға қоңырау шалуға, Siri қызметін пайдалануға, қоршаған ортаға негізделген әрекеттерді орындауға, музыка тыңдауға және фотосуреттер түсіруге мүмкіндік береді.
Батарея компоненттері көзілдірік жиегіне орнатылады. Дизайнда жоғары сапалы материалдар, соның ішінде премиум көрініс беру үшін акрил элементтері қолданылады.
Сонымен қатар көзілдіріктің екі объективі болады: бірі жоғары сапалы суреттер түсіру үшін, екіншісі компьютерлік көру технологиясына арналған.
