Қазақстанда Вице-президенттің қызметтік функционалы Конституцияға енгізілетін негізгі түзетулердің бірі болып отыр. Бұл туралы Президент өз ұсыныстарында айтты. Ол Вице-президент лауазымының енгізілуі мемлекеттік басқаруды тұрақтандырып, билік иерархиясын айқындайтынын атап өтті.
Сонымен қатар, Президент қазіргі Парламент қызметін қамтамасыз ететін кейбір аппараттық құрылымдар мен Мемлекеттік кеңесші лауазымын жою қажет екенін мәлімдеді. Президент Әкімшілігінің функционалы, құрылымы және басқару жүйесі практикалық қажеттілікке сәйкес реформаланатын болады.
Президенттің айтуынша, бұл конституциялық өзгерістер президенттік биліктің әлсіреуіне әкелмейді, керісінше Президенттің рөлі басты болып қала береді. Қазақстан президенттік республика ретінде дамуын жалғастыра береді.
Сонымен қатар, ұсынылған реформалар қатарында бір палаталы парламент – Құрылтайға көшу, Халық Кеңесін құру және Вице-президент лауазымын енгізу бар. Бұл өзгерістер елдің дамуына жаңа серпін беріп, оның әлеуетін күшейтеді деп жоспарланып отыр.
