Мемлекет басшысы Конституциялық сот төрағасы Эльвира Әзімова, Конституциялық комиссия төрағасының орынбасары – Мемлекеттік кеңесші Ерлан Қаринді және Конституциялық комиссия мүшесі – Президенттің құқықтық мәселелер жөніндегі көмекшісі Ержан Жиенбаевты қабылдады. Кездесудің негізгі тақырыбы еліміздің бас құжатына енгізілетін өзгерістер мен қоғамдық талқылау қорытындылары болды, деп хабарлайды QazMonitor Ақордаға сілтеме жасап.
Жарты жыл ішінде арнайы электронды платформаға азаматтар мен сарапшылардан 2 000-нан астам ұсыныс келіп түскен.
Комиссия мүшелері Ата заңның преамбуласының мүлдем жаңа нұсқасын және бірқатар маңызды баптарды әзірлегені айтылды.
Сонымен қатар реформаларды талқылау барысы медиа кеңістікте және Telegram арналарында тікелей эфирде көрсетіліп, транспаренттілік қамтамасыз етілгені баяндалды.
