Мәжіліс қабылдаған жұмысшылардың еңбек құқықтарын қорғау туралы заң, егер орындаушымен арадағы қатынастарда еңбек қызметінің ең болмағанда бір белгісі болса, АҚС шартын жасасуға тыйым салуды көздейді, деп хабарлайды QazMonitor.
Еңбек министрлігі еңбек қызметі ретінде мыналарды түсінеді:
нақты мамандық немесе лауазым бойынша жұмыс істеу;
ішкі тәртіпке бағына отырып, жұмысты жеке өзі атқару;
түпкілікті нәтиже үшін емес, еңбек процесінің өзі үшін жалақы алу.
Заң жобасы аясындағы ұжымдық шарт белгілі бір мамандықтар бойынша жалақының максималды және минималды мөлшерінің рұқсат етілген арақатынасы туралы шарттармен толықтырылады. Сондай-ақ, құжатта жарақат алған жағдайда жәрдемақы мен өтемақы төлеу туралы ережелер қайта қаралған.
Заң жобасында еңбек қауіпсіздігі мен оны қорғау үшін жауапкершілік ұйымның бірінші басшысына жүктеледі. Құжат Сенатта қабылданып, содан кейін Президенттің қол қоюына жіберілуі тиіс.
