ҚР Еңбек және әлеуметтік қорғау министрлігі әлеуметтік желілер мен бейнехостингтерде таралып жатқан зейнетақы төлемдерінен 20% ұстап қалу енгізілді деген ақпарат шындыққа жанаспайтынын мәлімдеді, деп хабарлайды QazMonitor.
Белгісіз тұлғалардың deepfake технологияларын пайдалана отырып, ынтымақты зейнетақы төлемдері 20%-ға қысқартылады деген жалған мәліметі бар бейнероликтер таратып жатқаны хабарланды.
Еске салайық, 2026 жылғы 1 қаңтардан бастап базалық және ынтымақты зейнетақы мөлшері Қазақстан Республикасы Ұлттық Банкі айқындайтын инфляцияның болжамды деңгейіне сәйкес 10%-ға артты.
2023 жылдан бастап бес жыл ішінде жыл сайын кезең-кезеңімен ең төменгі базалық зейнетақы мөлшері ең төмен күнкөріс деңгейінің 70%-ына дейін, ал ең жоғары мөлшері 120%-ына дейін ұлғайтылып келеді.
Осылайша, 2026 жылғы 1 қаңтардан бастап базалық зейнетақының ең төменгі мөлшері 35 596 теңгені (күнкөріс деңгейінің 70%-ы), ал ең жоғары мөлшері 60 005 теңгені (күнкөріс деңгейінің 110%-ынан 118%-ына дейін) құрады.
Азаматтарға тек ресми ақпарат көздеріне сүйену ұсынылады. Қасақана жалған ақпарат таратқаны үшін заңнамаға сәйкес жауапкершілік қарастырылған.
