Биылғы қыс маусымы қазақстандықтарды жылы ауа райымен қуантып келді. Алайда қыстың аты – қыс: алдағы күндері ол өз күшіне мінбек. Себебі, Жаңа Жер аудандарынан Қазақстан аумағына суық антициклон қозғалып келеді, деп хабарлады QazMonitor-ға Қазгидромет.
Еліміздің үстімен жылдам қозғалып өтетін антициклон алдымен солтүстікте, кейін елдің қалған өңірлерінде ауа температурасының айтарлықтай төмендеуін әкеледі. 14 қаңтарда солтүстік өңірлерде, ал 15 қаңтарда шығыс аймақтарда түнгі температура –30…–38°C дейін жетеді деп болжануда.
Қатты аязға қарамастан, антициклонның жылдам өтуі желдің күшеюіне де әсер етеді. Елдің солтүстік бөлігіндегі кейбір аумақтарда желдің екпіні сағатына 28 м/с дейін жетуі мүмкін.
