Танымал британдық The Telegraph басылымы «Өміріңізде міндетті түрде бару керек 10 шөл» тізіміне Қазақстанның Маңғыстау өңірін қосты, деп хабарлайды QazMonitor.
Басылым Маңғыстаудың айрықша ландшафтарын, үнсіздік пен шексіз кеңістікті, сондай-ақ минималистік табиғи сұлулығын ерекше атап өткен. Өңір әлемнің түрлі бөлігіндегі әйгілі шөлдермен қатар аталды.
Маңғыстау тек шөл аймақ емес, ежелгі өркениет іздері, шатқалдар мен ақтасты таулар шоғырланған бірегей табиғи кеңістік ретінде бағаланып отыр.
Маңғыстаудың аталуын саланың өкілдері Қазақстанның табиғи мұрасына халықаралық қызығушылықтың артқанының белгісі деп санайды. Бұл елге келетін туристер ағынын ұлғайтуға ықпал етуі мүмкін.
