Қазақстан Республикасының Ұлттық орталық музейі базасында «Алтын Орда» атты жаңа тұрақты көрме залы ашылады. Экспозиция XIII–XIV ғасырлардағы Алтын Орда дәуіріне арналған, деп хабарлайды QazMonitor.
Жаңа залда келушілерге Алтын Орданың саяси құрылымы, мәдениеті мен материалдық мұрасымен таныстырады, сондай-ақ оның қазақ мемлекеттілігінің бастауындағы рөлін кешенді түрде көрсетіледі. Экспозиция тарихи сананы нығайтуға және ұлттық мұраны кеңінен насихаттауға бағытталған.
Көрмеге музей қорынан алынған 200-ге жуық жәдігер қойылған. Олардың қатарында тұрмыстық бұйымдар, зергерлік әшекейлер, әскери қару-жарақ элементтері бар. Сондай-ақ Алматы облысы Шеңгелді ауылы маңынан табылған Шағатай әулеті ақсүйектерінің салтанатты киіміне тиесілі жібек маталардың қиындысы ұсынылған.
Мемлекеттік құрылымға арналған бөлімде Алтын Орданың басқару жүйесі, билеушілер генеалогиясы және оның Қазақ хандығы тарихымен сабақтастығы қамтылған. Бұл бөлім келушілерге мемлекеттілік дәстүрінің эволюциясын жүйелі түрде зерделеуге мүмкіндік береді.
Жаңа зал тұрақты негізде жұмыс істейді және білім беру бағдарламаларымен, тақырыптық экскурсиялармен толықтырылады.
