Өскеменде Наурыз мейрамы кезінде ерекше рекорд орнатуға дайындалып жатыр. Жоспар бойынша, үш мыңнан астам адам бір мезгілде домбырамен «Ақ бұлақ» әнін орындайды, деп хабарлайды QazMonitor.
ШҚО әкімдігінің ақпаратын сәйкес, жаппай орындау 22 наурыз күні сағат 09:00-де қаланың орталық алаңында өтеді. Іс-шара барысында арнайы комиссия нәтижені тіркеп, кейін оны Guinness World Records кітабына енгізу үшін ресми өтінім жолдайды.
Акцияға Шығыс Қазақстанның кез келген тұрғыны қатыса алады. Ол үшін қатысушылар 21 наурыз күні сағат 15:00-де орталық алаңда өтетін дайындыққа келуі тиіс.
Ұйымдастырушылар қатысушылардан ұлттық киім киіп келуді, сондай-ақ «Ақ бұлақ» әнінің сөзі мен әуенін алдын ала жаттап келуді сұрайды.
